قضية سعد لمجرد.. 7 أيام ديال التضامن سالات!!

كتب بواسطة على الساعة 12:44 - 18 نوفمبر 2016

lamjared
عصام أيت علي
3 أسابيع والفنان ديالنا سعد لمجرد مشدود في عكاشة ديال فرنسا، والتضامن معاه سالا وكلشي نسى القضية، وداوها فخونا عادل الميلودي، اللي رافع شعار “كلشي ديال الله”.
تضامن المعجبين مع سعد لمجرد بدأ يقل على مواقع التواصل الاجتماعي، وحدث اعتقاله بات غير مهم. حتى الفنانين دّاوها فشغلهم وكل واحد آشنو دار، حاتم عمور صدر أغنية “حسدونا”، وليلى حديوى طلقات شي ماركة مسجلة بالاسم ديالها، وإيهاب أمير خدا جائزة من مصر، ونزار إيديل خرج أغنية “حياتي”.
والد سعد لمجرد، الفنان البشير عبدو، حس بأن التضامن بدا كيقل، ونشر تدوينه على صفحته في فايس بوك، يطلب فيها من الله إطلاق سراح ابنه.
وكتب البشير عبدو: “الله يرجعو لينا وليكم بالسلامة يا رب في أقرب وقت بإذن الله”.
وماشي غير التضامن اللي سالا، بل حتى الأخبار المتعلقة بقضية سعد لمجرد صارت قليلة.
عصام بلاليوي، المعروف بـ”عصام وشمة”، صديق الفنان سعد لمجرد، نشر فيديو في موقع التواصل الاجتماعي أنستغرام يشير فيه إلى أنه لا توجد أي مستجدات في القضية.
للإشارة، فإن سعد لمجرد تم اعتقاله يوم 26 أكتوبر الماضي في أحد الفنادق الفرنسية، بتهمة الاعتداء على فتاة فرنسية تدعى لورا بريول، التي ترفض إلى حدود اليوم المواجهة مع لمجرد.

ما رأيك؟
أنشر الفيديو إذا أعجبك
أعجبني
لم يعجبني
محايد