مهدي بنكيران.. غادي ويتمدد!!

كتب بواسطة على الساعة 13:27 - 3 يناير 2017

عصام أيت علي
كيقول واحد المثل مغربي “صياد النعام يلقاها يلقاها”، ومهدي بنكيران شي نهار يلقاها، حيت ما زال ما بغا يدير عقلو، ويخلي عليه الناس والفنانين فالتيقار، حيت صافي كعاو عليه بسبب الكذوب ديالو فمواقع التواصل الاجتماعي، فايس بوك وأنستغرام.
بنكيران ما خلا حد هاني، جبد الإعلامي رشيد الإدريسي والمصمم عصام وشمة، واليوم جبد الفنانة رجوى الساهلي، واتهمها بأن ركبات على قضية الطفلة آية، مع العلم أنه هو المتخصص في الركوب على قضايا الفنانين بـ”جيت سكي”.
بنكيران كتب على صفحته في أنستغرام: “الله يهدي ما خلق واقفين وحادكين غير فالتصاور، لقد قمت بالمبادرة، واتصلت بالدكتور التازي. الخميس المقبل آية تدخل المصحة للعملية.. الحمد الله على المحسنين”. وكعادته حذف “ميستر” التدوينة، بعد أن ربح بعد “اللايكات”.
الممثلة ردت على بنكيران في أنستغرام: “ما عمرني فحياتي هضرت على شيحد بالخايب وخا كيكون خايب منو المولاه لكن فحال هذا ما خلا سعد ما خلا رشيد الإدريسي ما خلا وشمة ما خلا بطمة ما خلا عمور والدوزي وتسكت، جاي دابا يكذب على ناس بأن اية غادير العملية نهار الخميس وشخصيا نعام آ سي تكلم مع تازي زعما هذا الناس اللي أسماءهم كبيرة في الساحة الفنية زعما كلهم كذابين هو اللي عندو الصح؟”.
وأضافت: “هذا فين باغي يوصل البنت باقين كنتقاتلو باش تداوا، لو ما كنتش متبعة الحالة آية كل نهار والله حتى نتيقو على ناس بنادم كيتيري فعشرانو على قبل الجيمات ونهار دير نص اللي دايراه أنا جي قول كنتصورو بالبنت يا نكرة، لو الأسماء الوازنة لما عرفناك، غير بلاتي عليك بقيتليك غير أنا ما حشوماش تكذب على ناس”.

ما رأيك؟
أنشر الفيديو إذا أعجبك
أعجبني
لم يعجبني
محايد
التعليقات
0

إضافة تعليق