فايسبوكيين تابعين أيمن السرحاني.. وسايس سايس! (صور)

كتب بواسطة على الساعة 12:56 - 2 أكتوبر 2017

محمد المبارك
أيمن السرحاني مغني ديال الراي، يعيش في مدينة ليل الفرنسية، واللي قدر يوصل للشهرة بصوتو وببساطة أغانيه. الكليب كامل بالسيلفي ديال بورطابل، والناس اللي معاه فالكليب هما ولاد حومتو وشي صحابو.
كيقولو الناس اللي ما كيعجبهومش باللي أغلب الأغاني ديالو كيكون غير جالس مع راسو حتى كطيح عليه شي كلمات وكيبدا يغني، كلشي بالزربة وحتى لكليب كيجمع صحابو ويطلق السيلفي بالبورطابل ويبدا “ها لا لا ها لا لا سايس سايس”.
بعد ظهوره في برنامج “رشيد شو”، على دوزيم”، نشطاء على مواقع التواصل الاجتماعي ما رحموهش ولاحو صورة يزعمون أنها ديالو فاش كان صغير، وسط آراء متضاربة بين مكذبين وساخرين.
من أبرز التعليقات:
ماشي ايمن. في 2000 كانت يالاه عندو 8 سنوات”.”
“ما تبدل فيه والو غير شرا نتاف ديال الحجبان”.
“واخا كاع يولي زوين راه قصير بزاف”.

أيمن السرحاني، من جيهتو، لاح صورة في محاولة باش يقول باللي فـ2000 كان ما زال طفل، ولكن ما كذبش حقيقة ديك الصورة واش ديالو ولا لا، وقيلا في انتظار يشارجي البورطابل ويدير شي كليب جديد بعنوان “راني كبرت غير سايس سايس”.

ما رأيك؟
أنشر الفيديو إذا أعجبك
أعجبني
لم يعجبني
محايد